Iu iasti atselu chiro di-atumtsea?
Cându fciorii n-adunamu,
Zurlets multi noi n-adramu,
Canu gaile noi nu n-aveamu…
‘Nsus pi munti nâ-alinamu,
Oili fripti shi-inu aveamu
Fciorii tuts mâcamu shi-biamu,
Tsi gimbushi mari adramu…
Atumtsea lu-aveamu cu noi pi Mosh Naca
Sirbezlu iara lângâ elu, câ taha
Sots ei doljii ma-shi iara,
Multi-anănji doiljii shi-adra…
La Doi Iepurashi iara Ghiaura
Tsi nu-shi videa la ochelari frâmtura,
Azbura cu militseanji,
Shi-ei îl loarâ pi Bildani…
Ama s-videts tsi adră Mamustara
Cându vrea alu sh-aprindâ tsigara,
Mucanjlji lu-anvârlighearâ,
Fciori armânji ma si mutarâ…
Cu cuneta ma inea Cireshlu
Mashi cu ea elu agudea, Cireshlu,
Tsi pârjină lâ câlca,
Câ eara elu Combara.
La revelion, Iancu Bacula,
Cu ciubana tsâ surpa câciula,
Tsi durnjits canda hits njits?
Greashti Tashi alu Iurghits.