S-earam, vrută –‘msheatã lilici
Tsi creshtsã-n vali ninga arãu
Nu vream s-mi veadã ni lunã, ni soari
Di oclj-a tăi mutrit vream s-hiu !
S-earam, vrută – vimtul di searã
Canã lilici nu va s-didea
Cãt lungã-i noaptea di primuvearã
Perlu-a tău ‘msheat nu va-l dispiltea !
S-earam, vrută – njc pilister
Tsi azboairã pit vimtu sh-alinã lishor
Pi-a tali bratsã as shideam fãrã fricã
Pit lumi ici nu vream ta s-azboir !
S-earam, vrută – Lutseafir cari
Seara la tini pi geami mutrea
Searã di searã dultsi bãsheari
Io va s-furam di pi gura ta !