Nâ dzuâ cu sotsii imnam pit câsâbã
Vidzui nâ featâ-‘msheatâ tsi inima-nji furã
Cât u voi di multu, cu ea cându mi-adunu
Cum s-adar lea mana, mano cum s-i-aspun
Ma nu shtiu lea manã pârintsâi ma s-u da
Ma nu shtiu lea manã feta ma-s mi va
Nu tsâ dau lea featã luna di pi tser
Inima-nji si frãngâ featã ma s-ti keru
Feata multu-mseatã altu cara-s iai
Nu-as ai ahântâ vreari cum la mini ai
Nu tsâ dau lea featã malâmâ shi flurii
Avearea mea-i ma mari mashi cu mini s-hii
Tini hii lea featã prota-shi dultsea vreari
Tsi tu bana-‘ntreagâ nu-ari agârsheari
Va-nji aducu aminti câ nâ steauâ vrui
S-mi-alin pi tser analtu la ea nu putui