Majorat ti-anami, vini soia tutâ
Al Mario sâ-i oarâ, s-aibâ ayapi multâ
Pârințâi s-hârsescu, cu miraki sh-dor
Câ multu s-mârescu, cu Tino, hiilu-a lor
Pârintsâi gioacâ-arada, soia sâ-i hârseascâ
Câ-su ditu soia-alu Gheorghe, taifâ armâneascâ
Gigi a lui tati, Mariana mana
Îi oarâ mashi ghini, sh-vreari s-aibâ daima
La Tino, tora seara, vinirâ ti elu
Teta Vasilica, cu lali Costel
Dit marea soi-al Grosu, armânji cu livindeatsâ
Tragu arada caplu, cu-arâsu îmsheatu pi fatzâ
Lali Costa Fotu sh-teta Aura
Ei di la Custantsa vinirâ aoa
Doii tindu corlu, arada di mânâ
Tsâ oarâ mashi ghini, sh-bana s-hibâ bunâ
Tu aestâ searâ, arada gioacâ doii
Stelian cu Stela, di-al Barzecu soi.
Muts-anji tsâ uradzâ, shi-‘msheatâ bana ta
Corlu trei dipli, pânâ tahina.
Mutrits lali Stelu, di-al Bucioveanu soi
Cu teta Mariana, gioacâ-arada doii
Îsi hârsescu nipotlu, Mario a lor
La mults-anji ureadzâ, câ multu îl voru
Multsâ anji cu agapi, tsâ oarâ sotsii-a tăi
Daima s-i-ai tu vreari, s-ti máreshtsâ cu ei
Tsâ oarâ mashi ghini, Tino, gioni aslanu
Câ a ta sutsatâ va ti-aibâ-angâtanu.
SoLupci
13.10.2023