Ascultaț voi cu-anami
Cari-i protlu tu-armânami
Iasti gionli ți-l dzâc io
Tora iasti-a lui chiro
Armâname, țâ dzâc io
Cafi unu cu-a lui chiro
Nicu Gheara, cum v-aspun
Tora iasti protlu-armân
Hagi Sterghiu celnic mari
Ți și-avea multâ aveari
Nicu Gheară lu-antricu
Și-pi Hagi Sterghiulu, celniclu
S-ciuduseaști armânamea
Di-iu adră Ghearlu avearea
Dzâți armânamea tutâ
Di-iu-ahâta puteari multâ
Numa-i si-avdi cu tiñi’i
Aua și-u-alti vâsâli’i
Tu câsâbă și-pi la hoarâ
Tuț îl știu pi Nicu Gheară
Noi armâñi’i nâ hârasim
Pi Nicu sâ-l tiñisim
Câ ahtări gioñi ca aslañi
S-nascu la nâ ñi’i di-añi