Limba di eti, scumpâ adeti,
Fâlcari-apreasâ,
Pirâ ni-asteasâ,
Noi nu u-agârshimu.
Fciorii s-u-anveatsâ, cu livindeatsâ,
Pi-unâ cântari,
Di dor shi-di vreari,
Câ armânji nâ himu.
Veachi flurii, sâmtâ tinjii,
Limba-armâneascâ
S-pirmituseascâ
Ti armânamea mea.
Crutsi-alâsatâ, pitu eti purtatâ
Di stipâpânjii,
Borgi ti-armânjii,
Tsi n-anchinăm la ea.
Clirunimii, dultsi uidii,
Grailu aleptu,
Zborlu dishteptu,
Pi ‘msheata limbâ-a mea.
Nu-ari-aspuneari, ahântâ vreari,
Cântits ti hari,
Stihuri di vreari,
Va nâ cântămu daima.
So Lupci – 16.12.2019