Tsi doru, tsi mirachi mari
Di a noasti Hagilari
Hoarâ-msheatâ, arhundeascâ
Loară-armânjii s-u-agârsheascâ
Cu bâsearica surpatâ
Ca lândzitâ-i hoara noastâ
Pâtigiunji sh-ancurunări
S-adrarâ tu alti hori
Tora anjiiadzâ hoara
Avem bâsearicâ iara
Bâsearicâ-analtâ, ‘msheatâ
Di Teia Sponti adratâ
Armanjii di Hagilari
Teia, tsâ facu nâ urari
S-tsâ baneadzâ fciorii a tsia
Doii, Costa sh-cu Maria
Voi armanji di Hagilari
Hoara voastâ di vâ doari
S-inits câti vârâ oarâ
La bâsearica dit hoarâ
Hrista Lupci