Iţa mea, Iţa-ali dadi,
Ai le le, Iţa mea, Iţa-ali dadi.
Di trei ańi, lea, isusitâ,
Ai le le, di trei ańi, lea isusitâ.
Di trei meşi, lea, înveastâ noauâ,
Ai le le, di trei meşi, lea, înveastâ noauâ.
Yini toamna, lea, şi cu ploi,
Ai le le, yini toamna, lea, şi cu ploi.
Încarcâ-Armâńil’i, lea, cu fumel’i,
Ai le le, încarcâ-Armâńil’i, lea, cu fumel’i.
Iţa-ş tradzi, lea, calauzlu,
Ai le le, Iţa -ş tradzi, lea, calauzlu.
Tu pâduri, lea, scutidoasâ,
Ai le le, tu pâduri, lea, scutidoasâ.
Îl’i işirâ, lea, Arbineşl’i-n-cali,
Ai lele, îl’i işirâ Arbineşl’i-n-cali.
Arbineşl’i, lea, u-arâchirâ,
Ai le le, Arbineşl’i, lea, u-arâchirâ.
U-arâchirâ, lea, hima-nghiosu,
Ai le le, u-arâchirâ, lea, hima-nghiosu.
Seamnili li-arcarâ stri-cali,
Ai le le, seamnili li-arcarâ stri-cali.
Bârnulu a l’ei la dzaţi metri,
Ai le le, bârnulu a l’ei la dzaţi metri.
Cipana l’ei, lea, la yinghiţ metri.
Ai le le, cipana l’ei, lea, la yinghiţ metri.