Tu dzuuâ sirinâ di primuvearâ-msheatâ,
Njiurizmi di lilici tsi suflitlu lu-ambeatâ,
Nâ amprivescu geanlu, nâ poatâ tu ducheari,
Sh-canda n-anyrâpsescu îmsheatu pirmithu di vreari…
Zboarâli ditu suflitu, ducheri nidipisiti,
Cu mari miraki ashteaptâ-anyrâpsiti
Ti Tania-alu Mihai, ti unâ mari vreari,
Tsi mashi tu pirmiti ari altâ-ahtari…
Dzatsi anji arada ti-avuiu ca icoanâ,
Cu buni sh-arali, pi căiuri di banâ…
Tini nj-hii hâriya, înji hii sh-apirita
Sh-inima nj-arâdi cându tsâ vedu mutrita…
Vlâstari di doauli părtsâ, nâ veaghi marea vreari,
Costi sh-Alexandra tsi nâ da puteari
Sh-tu mesi di ei, nâ bâbuchi creashti
Mihai-Naci njiclu, vrearea nâ anveashti…
La dzatsi anji deadunu, tsâ oru, vrută bunâ,
Ashi s-treacâ kirolu, deadunu dipriunâ,
Bana s-nâ hibâ albâ, ca dzuua di vearâ
Sh-vrearea noasta mari s-nu chearâ canaoarâ!..
Shi s-dzâcâ Dumnidzălu di dzatsi ori s-bânămu
Tu tuti dzatsi, vrutâ, iara va n-aflămu,
C-ashi nâ fu ascrisa di la atselu di-analtu
S-avemu ayapi mari, s-himu doii – unu ti-alantu!
So Lupci 8.05.2023