Searâ ti harauâ, multâ ihtibari
Tu taifa alu Ombaș s-fatsi numtâ mari
George ‘msheat ca soari, sh-Cristiana lunâ
Nâ grirâ la numtâ, vrearea ta sh-aspunâ
Vinirâ cu vreari, la ancurunari
Nuna Nicoleta, sh Costa nunlu mari
Lâ oarâ di ghini, bunâ s-aibâ bana
Cum lâ easti azâ, ashi s-lâ hibâ daima
Gioacâ cu miraki, Lena soacra mari
Cu socrul Vasile, câ multu i-au tu vreari
Multu si hârsescu, ti George a lor fcior
Sh-ti ‘msheata Cristiana, scumpa ‘nveasta-a lor
Tanța soacra njicâ, sh-ari multâ vreari
Ti a ei Cristiana, sh-ti George ‘msheat ca soari
Lângâ socrul Nicea, tradzi caplu ninti
Câ naima mari vreari, îi vrearea di pârinti
Bunlu paplu Ghiță, sh-Lena maia bunâ
Sunt pâpânji di trâmbâ, di mileti-armânâ
Tragu arada caplu, multu si hârsescu
Di mari harauâ, ochii l-anghilicescu
Cântâ paplu Steriyu, cânticu di zâmani
Câ soia-al Halep, îi prota tu-armânami
Cântâ sh-maia Zoia, nipoata s-mâritâ
Gioacâ doii-arada, la numta hrisusitâ
Mutrits paplu Nicea, cum gioacâ cu hari
Multu si hârseashti, sh-vidzu nipoata mari
Îi oarâ tu banâ, vreari cu ghinets
Cafi dzuuâ ‘mplinâ, mashi di mushutets
Sora-al ginerică, Tania duruta
Tsi ‘msheatâ-i arada, tsi îmsheatâ-i numta
Ea anghiliceashti, cându gioacâ-n cor
Sh-ari multâ vreari, ti a ei frătsior
Sh-ari Cristiana, un frati cu hari
Tradzi caplu Nicea, cu durutâ vreari
Îi oarâ di ghini, banâ tinjisitâ
Azâ Cristiana, sora lui s-mâritâ
Cântâ tora seara, Gramostea-alâvdatâ
S-aspunâ pirmitlu, ti un fcior sh-nâ featâ
Cu aestu cânticu, ei vâ tinjisescu
S-v-aspunets haraua, pi cânticlu-armânescu!
SoLupci 26.08.2021