Vini tora seara soi multu-aleaptâ
Adarâ majoratlu nâ lilici-‘mşeatâ
Pârințâi s-hârsescu cu Ana-Maria
Featâ ti anami, bunâ i-u tinjia
Mama Daniela sh-Mihai a tău tati
Inima lâ creaşti, câ multu hii tu ñiati
Îmşeată Ana-Maria, s-ai angâtan di ei
Multu ti-au tu vreari pârințâi a tăi
Arada armâneascâ, va s-tsânâ noaptea tutâ
Gioacâ sora Flori cu ağapi multâ
Fatsa tut i-arâdi, multu si hârseasti
Ti Ana-Maria, inima îi creashti
Paplu Nicolae, sh-ari multâ hari
Inima îi creashti, shi-vidzu nipoata mari
Vreari sh-sânâtati, banâ ti harauâ
Câ sh-ari miraki, s-ti veadâ ‘nveastâ noauâ
Maia Marieta, hârsitâ, nu s-aspuni
Cu paplu-a tău, Victor, s-mârescu tu lumi
Câ ei ti vor multu, tini hii fluria
Daima s-i-ai tu vreari s-lâ portsâ tinjia
So Lupci – 08.08.2022