Luna-anghiliceashti, di pi tser mutreashti,
Lunjineadzâ calea sh-dorlu-a meu,
Deadun dipriunâ, vrearea nâ adunâ
Sh-unâ livâ-aratsi-avinâ ponlu greu…
Ti unu arâsu, tsâ dedu vrută bana mea
Sh-tuti atseali isi io tsâ li dedu cu ea,
Diznjirdatu, di a vreari-ei iho,
Unâ vreari fâr’ caimo, tsâ tâxescu io…
Steali di flurii, tu perlu-ts lai mâzii
Lunjineadzâ ‘msheatsii ochii-a tăi
Vimtulu bati-ayalea, ta s-n-aspunâ calea
Tsi-acâtsămu tu-aestâ banâ, vrută noi..
Vreari mâyipsitâ sh-soari tu-apiritâ,
Lunjineadzâ bana, vruta mea,
Unu pirmithu di vreari sh-unâ cali mari,
Nâ ashteaptâ di-aoa sh-ninti ti daima…
SoLupci – 14.01.2021