Dor di armãnami
Suflitlu-nj mi doari.
Dor di armãnami
Sh-di turmili di mioari.
Bana-i datã su bãnãmu
Cu buni sh-arali.
Canã oarã pisti locu,
Armãnlu nu cheari.
Ah cã bana estã,
Di Dumnidzã ãi datã.
Bunili shi aralili
Omlu va li patã.
Ah ti armãnami,
S-cãntu nu-nji angreacã.
Ma sãnj cãntu dorlu
Fãrmatsili anj treacã.
Ah io cãndu avdu
Cãnticlu armãnescu.
Bunili shi arali
Tuti li agãrshescu.
Cãndu avdu cãntits,
Ti a noastã armãnami.
Shtiu cã limba noastã,
Nu-ari agãrsheari.
Dor di armãnami
Suflitlu-nj mi doari.
Dor di armãnami
Sh-di turmili di mioari.