Searâ mâyipsitâ, vini soi multâ
Tu taifa alu Ghițu, s-fați mari numtâ
Gioacâ tutâ soia, multu sâ-i hârseascâ
Pi yrambolu Miti, sh-pi Laura ‘nveastâ
Doru sh-Luminița, suntu nunjii mări,
Oaminji ti anami, armânji împlinji di hări.
Cu Cristi sh-cu George, ‘msheats’ii fciorii-a lor
Tragu arada caplu, cu miraki sh-dor
Socrii mări ti-anami, gioacâ cu harauâ
Lângâ a lor Miti sh-Laura ca steauâ
Lâ oarâ mashi ghini, bunâ s-aibâ bana
Cum lâ iasti azâ, ashi s-lâ hibâ daima
Câ sh-ari yrambolu, unâ sorâ bunâ
Tu soia-alu Chicheanu, di mileti-armânâ
Arada di Cristi, om cu livindeatsâ
Giocâ sora Lena, cu arâsu pi fatsâ
Mutriț-lu Mihai, frati-a nunlui mari
Cu a lui Luminița, tragu corlu cu hari
Multu si hârsescu, gioacâ-arada doii
Suntu tora seara, ditu a nunlui soi
SoLupci 8.07.2022