Searâ mâyipsitâ, numtâ ditu pirmithi,
Cu armânji di protsyii, tuti s-hrisusiti.
Tu soia alu Manea, s-fatsi aradâ ‘msheatâ,
‘Nveasta Îi Cristina, sh-Alex fcior cu njiatâ.
Tu aestâ searâ, vrearea vor sh-aspunâ,
Alex ‘msheatu ca soari, sh-Cristina ca lunâ.
Mari mushuteatsâ, multu lâ undzeashti,
Candu-i vedz arada, geanlu-anghiliceashti.
Nunji ditu soia-alu Bushu lâ bâgâ câruna,
Nunlu easti Marius shi Maria nuna.
Va lâ veaghi bana, cu iyuri bunâ,
S-aibâ multâ-ayapi, vrearea ta sh-aspunâ.
Nunlu mari Gica, multu si mâreashti
Cu a lui nipots inima îi creshti
Nipotsii Filip sh-Chloe, doii-u tsân di mânâ
Pi-a loru bunâ mai, Ița marea nunâ.
Tana sh-Gigi gioacâ, socri mări ti-anami,
Armânji dit soia-alu Manea, cu mari pirifanji.
Gioacâ shi s-hârsescu, lângâ a loru fcioru,
Sh-multu u-au tu vreari, Cristina ‘nveasta-a loru.
Tănase cu Maria, socrii njits mutrescu,
Pi Cristina scumpâ, sh-multu si mârescu.
Ochii-anghilicescu, di-ahâta harauâ,
Azâ a lor featâ, s-fatsi ‘nveastâ noauâ.
Adră aestu cânticu, Gramostea-alâvdatâ,
Cu mari miraki, ti un fcior sh-nâ featâ.
Vâ ureadzâ ghini, banâ sh-mushutets
Sh-mashi cu-arâs pi fatsâ bana s-u tritsets
Sorin Lupci 12.06.2022