Searâ ti harauâ, giocu cum nu s-aspuni
Tu taifa alu Belu s-fatsi pâtigiuni
Pârintsâi nâ grirâ, fciorlu sâ-lu pâteadzâ
Ioan Zian armânlu, azâ s-crishtineadzâ
Cristi cu Cristina, ei nâ câlisirâ
Pârintsâ ti hari, gimbushea ahurhirâ
Gioacâ cu harauâ, corlu armânescu
Pi fatsâ s-veadi vrearea, sh-ochii-anghilicescu
Armânji dit soia-al Dushu, nunjii-a noshtsâ bunji
Dana cu Mitică, naima vrutsii-armânji
Ioan îl pâtidzarâ, cu mirachi sh-dor
Câ multu lu-au tu vreari, pi njiclu hinu a lor
Tradzi paplu Relu, corlu armânescu
Cu Anka măița, multu si hârsescu
Giocâ cu harauâ, hârsits cum nu s-aspuni
Cu a lor nipot, ei s-mârescu tu lumi.
Maia Adriana, sh-ari multâ vreari
Sh-pi Ioan nipotlu, ea va-lu creascâ mari
Cu nipotlu-n bratsâ, tradzi ninti corlu
Îi multu hârsitâ, sh-aspuni vrearea sh-dorlu
Gioacâ lali Dani, cu Atena teta
Îi oarâ mashi ghini, azâ sh-tutâ eta
Njiclu s-aibâ tihi, gioni mari s-crescâ
Bana va i-u veaghi, cu vreari pârinteascâ
Tini-a meu nipotu, di tuti s-ai, s-hii ghini
Tora seara paplu, nu easti cu tini
Ma s-mutreshtsâ- analtu, nâ steauâ anghiliceashti
Easti paplu Nelu, di-analtu ti mutreashti
SoLupci – 16.09.2021