Tsi-nji ts-ai ocliulu lãcrãmatu
Sh-fatsa ca lãitã?
Sãltãnatea tu imnatu –
Iu-u ai agãrshitã?
Mshata arauã di pi frãmti
Sh-percea hrisusitã,
Cãtse shedu ca mãrinati
Albi grãndinati?
Budzãli mplini di-arãsu –
Lilici zuyrãpsiti,
Tora shedu adnati stogu,
Paru dipu agãrshiti.
Boia-ts naltã ca fidanã,
Tora-i cusuratã;
Mutrita u-aveai ndzeanã.
Adzã-i aplicatã!
Mplinã mashi di thimiseri ,
Di multsã anji, mintits,
Adzã nu eshtsã ca-aseara, –
Anjili agãrshits. . .
Tsi chirushi – nu-ari aflari!
Limosu – chirolu-angliti tutu.
Lasã mashi nã thimiseari
Sh-fudzi, fudzi mutu. ..