Ah tini scumpã vruta mea mushatã
Cum ãi lilicea aroshi di bujor.
Io ãnji mureamu di a ei njiatã,
Nãscutã iara mash ti doru.
Mushatã vruta mea sh-cuminti
Tsi tut mutrea tu ochii a mei.
Cum mi bãshea nji-aducu aminti,
Anghisamu cu ochii ãn ochii a ei.
Noaptea shideamu sh-mutreamu la lunã,
Ãn bratsã doilji nã tsãneamu,
Plãndzeamu vãr’oarã dipriunã,
Di ahãtu hãrsits tsi nã iaramu.
Tsiva nu n-aspuneamu shi canda,
Ahãtu di multi n-aspuneamu.
Avdzamu cum inima nã bati,
Di ahãntu doru tsi nã aveamu.
Cãnd mi astrindzea la cheptu vruta,
Gãrsheamu pi tsi lumi bãnedzu.
Chirutu avdzamu cum ea nji-aspuni
Cu tini pãn la moarti a-s shedu.