S-fatsi numtâ mari, numtâ armâneascâ,
Tu taifa al Scupra, soí fârshiruteascâ,
Soia s-adunarâ, la îmsheata numtâ,
Cu harauâ mari, Gramustea s-lâ cântâ!
Marius îi grambolu, gioni-armânu cu hari,
Lo ‘nveastâ armânâ, câ u-ari tu vreari.
Pi ‘msheata Marina, bunâ s-aibâ bana,
Cum lâ iasti azâ, ashi s-lâ hibâ daima.
Cristi cu Alina, suntu nunjii mări,
Oaminji ti anami, armânji împlinji di hări.
Gioacâ cu harauâ, mari lâ-i tinjia,
Arada di-a lor feati, Ioana cu Sofia.
Săndica – soacra mari, cu mari harauâ,
Tora tradzi caplu, lângâ ‘nveasta noauâ.
Costel – socrul ti-anami, hârsitu cum nu s-aspuni,
Cu fciorlu-a lui livendu, s-mâreashti tu lumi.
Columbia cu Nicu, cu miraki sh-dor,
Cu vreari si hârsescu, ti buna featâ-a lor.
Inima lâ creashti, feata lor s-mâritâ,
Gioacâ cu harauâ, la numta hrisusitâ.
SoLupci 19.08.2021