Tu a Birbiioclui mesu
Când deadi iarba sh-frândza
Trei feati la fântânâ iesu
Cu mailu s-batâ pândza
Featili, lea, cum dipuneali
Din dzeanâ cât tu vali
Li-astai-un gioni, lea, picuraru
Sh-cu arâsu li tsâni-n cali
Iu neadzits pirusheanili
Armânili musheati
Ma lâ si-apleacâ, lea, dzeanili
Shi facu ma lundzâ jgljioati
Ma njica dip nâpoi armasi
Sh-u bashi nâs pi fatsâ
Sh-alanti doauli-arâdu di ea
Shi tut ma i-dzâcu sh-u-anveatsâ
Nvâlea-tsâ tini, lea, fatsa, soro
Ta s-nu ti veadâ-n hoarâ
Câ va s-agiundzâ-arâslu-a loro
Sh-cânticu, lea, va t-sâ-adarâ
Gionljii atsei di tu-a-ei hoarâ
Dup-unâ sâptâmânâ
Cânticu lai, lele, ma sh-adrarâ
Ti-atsea îmsheatâ-armânâ