Voi lăi muntsâ anăltsâ sh-grei
Ancârcats` cu pishtirei`…
Pi voi iarba putridzashti
Ni tsi turmâ nu ma pashti…
Mash un gioni picuraru`
El inea pi cal câlaru`…
El imna pi cal câlari
Shi`l luă dorlu ti`a cântari…
Shi`l luă pofta ti`a cântari
Tâsh` la tufa di ianuri…
Tâsh` la tufa di ianuri
Clo` shi`avea ceatâ di furi…
Clo` shi`avea ceatâ di furi
Dânâsea lăi cârvânare…
Pridă-ti lăi cârvânare…
ia dă-ncoa fluriili-a tali
Nu hiu featâ s`mi pridau
Io fluriili s-vâ li dau