Împreuna:
Cânticu ti-anami, dado
Pirmithu di doru
Ti unâ featâ dado,
Featâ sh-un fcioru
Ea:
Am mari vreari, dado,
Dor nicurmatu
Ti a meu gioni, dado,
Armânu curatu
El:
Multu-nji mi ardi, dado,
Dorlu ti ea
Ta s-fugu tu lumi, dado,
Cu vruta mea
Ea:
Fronimâ-ashteptu, dado,
La dzuua-atsea
S-inâ la mini, dado,
S-i-aspunu vrearea
El:
Fâr’ di mârtii, dado
Sh-fâr’ di-anvirin
Tu lumea mari, dado,
Doii s-fudzim
Ea:
Pirmithlu-a nostu, gione
S-armânâ-ascrisu
Shi s-nâ bânămu, lai gione
Bana dit isu
El:
Pirmithlu-a nostu, dado,
Fâr’ di cripări
Sâ-lu cântâ daima, dado
Feati shi ‘fciori
Împreuna:
Ti-a noastâ-ayapi, dado
Doii s-nâ lomu, dado
Sh-cu isihii, dado,
Banâ s-bânăm
So Lupci – 27.05.2020 – 09.02.2022