La fântâna ditu vâloagâ
Perlu shi-keaptinâ nâ dzânâ
Ma nu-i dzânâ, câ-i nâ featâ
Tsi-shi adutsi ca armânâ
Discâceatu i-armasi perlu
Perlu galbinu ca di dzânâ
Cum s-adarâ, laia corba
Tu cusitsâ sâ-shi lu-adunâ
Picuralu, ‘msheatu ca soari
Shi cu percea ancârshiatâ
Dusi-atumtsea la fântânâ
‘Clo iu sheadi alba-armânâ
Ea-i da gura di lilici
Shi ghiurdanea dintr-u mânâ
Picurarlu-ayalea-i dzâsi
Sâ-nji bânedz, livendâ-armânâ