Munte frate io-ni mi ducu
S-voi s-tsa dzacu indoau zboara
Ca fumu oaspiti frate munte
S-ca-ni mi doari
La caseri cadzura neguri
Oili treambura ca vearga
S-un lai vintu pisti dzenuri
Plandzi-anarga
Poti s-planga s-da furtuna
Sindiliu poati si-adara
Si-albi cantitsa,frandza si-cuiburi
Tuti s-moara
Ausii di-ahantea-arali
Alghi peri ni-ascoasi iarna
S-tsi uratu mi luara anii
Anii-asvarna
Frate moi na alta oara
Ochii-a mei nu va sti veada
Cari stii a meali oasi
Iu v-as cada
Ti-atea io-ni aplecu dzanucliul
Sa-ni ti basu munte cu vreari
Noi fumu oaspiti,frate,munte
Si-ni mi doari
Cat mi doari,nu stii tini
Munte, sedza cu sanatati
Dumnidzau s-ti tsana ghini
Lai fartate