Searâ mâipsitâ, numtâ ti anami
La Zisu shi-Popescu s-fatsi pirifanji
Îmsheatâ-i arada, preachea-i multu-‘msheatâ
Câlisirâ soia, shi-aspunâ a lor njiatâ
Costel socrul mari, pi Mihai mutreashti
Gioacâ cu harauâ shi-inima îi creashti
Îi oarâ mashi ghini, s-aibâ tihi bunâ
Cu a lui aleaptâ, s-treacâ banâ bunâ
Silviu nunlu mari shi-Zoia-a lor nunâ
Cu multâ miraki lâ bâgarâ cârunâ
Gioacâ doii-arada, la numta armâneascâ
Ta s-lâ veaghi torlu, cu vreari pârinteascâ
Socrul njic Costel, îmsheatâ i-u bana
Gioacâ cu harauâ, cu soacra steliana
U-au multu tu vreari, shi s-hârsescu tora
Cu a loru durutâ, îmsheata Teodora
Câ ari grambolu nâ taifâ ti hari
Nicu hrisusitlu, fratili ma mari
Gioacâ cu harauâ, cu miraki-shi dor
Cu a lui Alexandra shi Darius, hiilu-a lor
So lupci – 22.09.2019