Searâ mâipsitâ, numtâ ti anami
La Zisu shi-Popescu s-fatsi pirifanji
Îmsheatâ-i arada, preachea-i multu-‘msheatâ
Câlisirâ soia, shi-aspunâ a lor njiatâ
Di-a lor mari vreari, s-amintã nâ featâ
Aida-Maria, lilicea naima ‘msheatâ
Pârintsâ cu vreari shi-cu miraki multâ
Di Dumnidzã pishkesi lâ fu pitricutâ
Lili, soacra mari, pi Cosmin mutreashti
Gioacâ cu harauâ shi-inima îi creashti
Îi oarâ mashi ghini, s-aibâ tihi bunâ
Cu a lui aleaptâ, s-treacâ banâ bunâ
Costin nunlu mari shi-Silvia-a lor nunâ
Cu multâ miraki lâ bâgarâ cârunâ
Gioacâ doii-arada, la numta armâneascâ
Ta s-lâ veaghi torlu, cu vreari pârinteascâ
Socrul njic Stelicã, îmsheatâ i-u bana
Gioacâ cu harauâ, lângâ soacra Kirana
U-au multu tu vreari, a ochi-loru lunjina
Pi feata loru durutâ, îmsheata Cosmina
Gioacâ cu harauâ, naima bun di tuts
Cu mari miraki, fratili Ionut
Tradzi caplu ninti, Lory sora bunâ
Fratili s-ansoarâ, shi-ari tihi bunâ
SoLupci 2019