Vruta mea di cafi oarâ
Yislu a meu ti-adutsi iara
Ta s-tsâ bagu minghiushi di-asimi
S-mi-ai tru minti mash pi mini.
R: Yina vruta, yin pi searâ
Ca vârâ landurâ
Yina-n bratsâ sâ-nj ti-astringu
Sa-nj ti bashu pi frunti sh-fatsâ
Oh, pi dultsea gurâ
S-anyisedzu, s-arâdu shi s-plangu.
Cafi dzua nj-am tru minti
Andalmasearea di ma ninti
Pi-atsea dzeanâ di stri-hoarâ
Iu ti vidzui prota oarâ.
Mâna ta cu a mea mânâ
Tsi lai zboara apridunâ
Zboarâ-anaxi anyripsiti
Mash di noi angâldâsiti.
Tu a tăi oclji adghivasescu
Vrearea mea shi-nj mi hârsescu
Nu nj-am zori ti dunjeauâ
Ti mini bana-i harauâ.