Soarli limbidu luñineadzâ
Rosh, arosh, ca-aroshlu focu
Tserlu-i limbidu sh-hâricopu
Pădzli sh-plaiurli-abureadzâ
Caldi cropu…
Di sum feariga ‘tsea moartâ
Iesu lilici cu buiei
Iesu trifoaili tsi poartâ
Frândza-n trei…
Ditu arniu di mult’ diparti
Inu fumeili di armâñi
Cu bâbuchili tu mâñi
Arumânili musheati
Par cadâñi…
Ghini’ vinishi lăi Maiu cu doarâ
Cu musheatlu-nviscumint
Anghiiashi mâratlu Pind
Cum Hristolu unâ oarâ
Dit murmints…