Lele, searâ vluisitâ
S-nâ hârsimu ti-a lui vinitâ
Azâ gri livendulu Dani
Câ elu si turnă ditu xeani
Vini cu miraki-acasâ
La Atena, a lui ‘nveastâ
Shi-cu mari vreari di tati
Îshi hârseashti a lui feati
Tini-Atena, a mea ‘nveastâ
Lucri buni s-nâ hârseascâ
Azâ-anchishu, a mea daileană
Patrudzăts di anji di banâ
Aestâ searâ ti hari
S-țânâ locu di isuseari
Câ ashi mi-adusi bana
Tini soră, Cristiana
Gioacâ tora seara, frate
Tini Cristi, lăi cumnate
Câ sh-io nji-amu miraki multâ
Di vearâ s-tsâ giocu la numtâ
Tini sora mea durutâ
La-a-ta numtâ caplu mutâ
Câ tu banâ ai unu frati
Tsi va-s tsânâ shi-locu di tati
So Lupci – 31.03.2019