Searâ mâipsitâ, ‘mşeatâ nu-s aspuni
La Anastasia s-adarâ pâtigiuni
Vinim tutâ soia, câ-‘mşeatâ nâ-i bana
Cum nâ iasti azâ, aşi s-nâ hibâ daima
Gioni cu Alina, pârințâ cu hari
Işi pâteadzâ feata cu mari ihtibari
Cu Díana Maria, a lor mari featâ
Gioacâ cu harauâ ti-Anastasia ‘mşeatâ
Margareta-şi Teia, nuñii nâ-adunarâ
Pi Anastasia ei u criştinarâ
Gioacâ armâneaşti, cu ağapi multâ
Lângâ-Anastasia va-s hibâ bana tutâ
Cum s-hârsescu nuñii, ‘mşeatâ lâ-i uidia
Taifâ armâneascâ, bunâ lâ-i tiñia
Lâ anghiliceaşti, a ochilor luñina
Cu fciorii-a lor s-mârescu, Iulian şi-Cristina
Paplu Paul Papi, multu si hârseaşti
Câ pi-a lui nipoati, cu míraki li creaşti
Arada Dadi Bocea ‘mplinâ-i di harauâ
Hârsitâ tradzi caplu, cu-a ei nipoati, doauâ.
Armânlu Paplu Mita şi-maia Ora-armânâ
Cu vreari trag ei caplu, ti-a lor nipoatâ bunâ
Câ-s di soi mari, dealihea armâneascâ
Piruşeanâ-armânâ, Anastasia s-creascâ
Vinirâ ti tini, gioacâ tora seara
Teta ta Andreea, cu Eva verişoara
Țâ vor maşi ghineațâ, tini scumpâ featâ
S-ai mari ağapi şi-bana s-țâ hibâ ‘mşeatâ
So 13.09.2018