Cari treați pi la stânâ
Cu-aruvrili-‘ntru mânâ
Şi-i cu cheptulu dizvâlitu
Iasti Gradani, furu avdzâtu
Şi-ari nâ tufechi ‘mplinâ
Cu bâruti-n râdâținâ
Şi-ari calu di patru-añi
Cari mâşcâ dit duşmañi
Şi-ari Gardani patru fârtaț
Di-unâ mumâ alâptaț
Şi-nu-i iasti fricâ di canu
Alu Gardani, ca unu aslanu
Lăi Gardani di greții furi
Ți tut furi di la armâñi
Vedz ți faț, vedz ți adari
S-nu dai di-armânlu Mihali
T-unâ dzuâ s-adunarâ
Greț cu-armâñi ma s-alumtarâ
Dzați câdzurâ dit ei
Di-şi armasirâ maşi doi
Gardani ma şi-chiru nâ mânâ
Trapsi calu la fântânâ
Di câprestu lu-acâța
Şi din gurâ ma-i dzâțea
Scapâ-mi, lăi Murgu-a meu
Scapâ-mi di-aestu greu
Zborlu nu şi-l dipisea
Şi-armânlu Mihali inea
Armânlu Mihali inea
Cu aruveili-‘ntru mânâ
Tu Gardani li discârca
Şi-Gardani, furlu grec, murea…
Versuri:
Hrista Lupci – 10 februarie 1977