Vini tora seara soi multu-aleaptâ
Adarâ majoratlu nâ lilici-‘mşeatâ
Pârințâi s-hârsescu cu Teodora ‘mşeata
Featâ ti anami, bunâ sâ-i hibâ ñiata
Nunji di soia-al Raiciu, soi armâneascâ
Gioacâ cu harauâ, hina sâ-shi hârseascâ
Stelica-shi Corina, ei u pâtidzarâ
Sh-azâ majoratlu ma msheatu va i-lu-adarâ
Mama Vasilica şi-Costel, a tău tati
Inima lâ creaşti, câ multu hii tu ñiati
Îmşeată Teodora, s-ai angâtan di ei
Multu ti-au tu vreari pârințâi a tăi
Tushi di Bucureshti, di la capitalâ
Vini lali Gigi, la mults-anji sâ-i oarâ
La sectorlu 6 câ-i consilier
Agârshi partidlu, azâ gioacâ sh-elu
Arada armâneascâ, va s-tsânâ dzuua tutâ
Gioacâ lali Tase cu ağapi multâ
Cu multâ miraki, tradzi caplu el
Gioacâ doii-arada cu fratili Costel
Paplu a tău, Dimci, cu buna maia ta
Mulțâ añi țâ oarâ, azâ, di dzua ta
Vreari şi sânâtati, banâ ti harauâ
Doii va-s hârseascâ s-ti veadâ ‘nveastâ noauâ
Teta Mariana, hârsitâ, nu s-aspuni
Cu a ei Teodora s-mâreashti tu lumi
Cu inima ‘mplinâ, îi poartâ mari vreari
Gioacâ şi-s hârseaşti, şi-vidzu nipoata mari
Stelian Barzecu, cu Stela easti-aoa
Vinirâ la-aradâ dit Italia
Vini sh-lali Costa cu teta Aura
La a lor Teodora, s-hârseascâ ti ea
Scumpă Teodora, tini msheatâ-armânâ
S-ts-ascultsâ pârintsâi sh-s-hii pi calea bunâ
Câ ei ti vor multu, tini lâ hii fluria
Daima s-i-ai tu vreari shi s-l-avinji tinjia
So Lupci – 11.09.2020