Searâ mâipsitâ, ți ağapi mari
Virginia ca lunâ şi-a ei Mihai ca soari
Bunâ lâ-i umutea şi-‘mşeatâ duchearea
Nâ grirâ tora seara, ta şi-aspunâ vrearea
Au di mari vreari, suflitlu împlin
Nuñi’i-a noşț doi’i, Elena cu Sorin
Lângâ noaua preachi ei va s-hibâ daima
Cu vreari pârinteasca ta s-lâ veaghi bana
Nelu-şi Marcela Scupra, socri mări ti hari
Gioacâ şi-s hârsescu la-‘fciorlu-i isuseari
Anvârtescu corlu şi-‘mşeatâ lâ-i bana
Cum lâ iasti tora, aşi s-lâ hibâ daima
Gioacâ si s-hârsescu câ şi-au mari doru
Lângâ noaua preachi şi-Vali a lor fcioru
Mutriț armâname, cât suntu hârsiț
Gioacâ cu harauâ câ suntu socri ñiț
Iancu-şi Doina doi’i şi-țânu a lor adeti
Carabaş ti-anami, armâneascâ mileti
Gioacâ si s-hârsescu câ şi-au mari doru
Lângâ noaua preachi şi-Silviu a lor fcioru
Cântu-aestu cânticu şi multu mi hârsescu
Şi-al Mihai suțatâ, io nu u-agârşescu
Cântu cu mirachi s-arâdem cu boați
Câti-unâ şicai’ ti cafi unu di-aoați
Teo al Cârțună gioacâ şi s-dirinâ
Ari la Custanța, servis ti maşinâ
Câ-i acațâ mâna, mecanic, sâ-l ia neclu
Ma s-aspargâ motorlu, el va ț-aschimbâ beclu
Armâne, celularlu ma s-nu-aibâ semnal
Va s-lu-aduț avrapa la servislu local
La Cioco armânlu, mulțâ bañi nu fați,
Cu bañi’i pi facturâ, poț s-ț-ancupiri dzați…
Cafi-armân irbapi şi-adră privatizari
Ma gionli-armân, Piticlu, vru unâ hani mari
Va-s adarâ-armâñi’i numțâli la el
Câ ari restaurantul di la Parc Hotel
Unu gioni livendu, avină caimadz’ii
Şi-soț’i-a lui s-ntreabâ di iu i-ari paradz’ii
Aşi iasti Bebe, fcioru-armân dit hoarâ
Ari gechli ‘mplini şi-canu nu şti’i ți-adarâ
Vali al Tulică, gioni dit lao
Va nâ-‘nregistreadzâ, câ ari studio
S-dusi Răzvan Grosu, s-adarâ-‘nregistrari
Şi-nu vru ta s-lu-alasâ, câ nu-i vedetâ mari…
Grosu cântâtorlu, gioni-armân cu ñiatâ
Vâ cântâ tora seara cu Gramostea-‘mşeatâ
Al Mihai îi oarâ, s-aibâ-ağapi multâ
Şi-cânticu ti mirachi, cu Tommy va vâ cântâ:
Feată perlu, neali neali
Ți s-adar cu ahâtâ vreari………