Nico Gemalinga şi-Vali,
Pârințâ cu mari vreari,
Oamiñi buñi, di soi’mşeatâ,
Amintarâ unâ featâ.
Refren:
Vali şi-Nico, oamiñi vruț,
Azâ suntu multu-avuț.
Cu-ağapi criştinarâ feata,
Daria-Elena ‘mşeata.
S-creascâ mari şi-s-aibâ ñiatâ,
Al Vali Geamalinga featâ!
Ella Nurciu şi-Stelian
Va țâ-aibâ bana-angâtan.
Nuñi armâñi cu ihtibari,
Tâ deadirâ numâ mari.
Teta Pepa şi-Mihai lali,
Ei țâ poartâ mari vreari.
Țâ vor maşi ghini tu banâ,
Şi-lâ urăm şi-la ei-‘s toarnâ.
Pap’ Vangheli şi-maia Maria,
Țâ tâxescu feată-a ția,
S-ti pitreacâ ti-anvițari,
La sculia naima mari,
Şi s-bânedz di aoa şi-ninti,
Nâ banâ ca tu pirmiti…
Feată ñicâ, maia Dafa,
Ti tini vini Custanța.
Sâ-i creşțâ-n brațâ cu vreari,
Câ ti va pânâ la steali.
Pap’ Mihali, tini daileană,
Va țâ hiu pirmitu tu banâ…
Nu va s-pot ta s-ti hârsescu,
Ma di-analtu-a ti mutrescu.
So Lupci – 28.04.2018