Vinim tora seara
Ți-‘mşeatâ nâ-i bana
Câ nâ gri cu vreari
La majorat, Ioana.
Cu mari mirachi
Pârințâi dâmândarâ
Al Pap’ Hrista Lupci
Cânticu ta s-adarâ.
Refren:
S-nâ bânedz, Ioana
Cu vreari şi-cu tiñi’i
Soț’i-a tăi țâ oarâ
Ağapi şi-isihi’i.
Pârințâi, Sterica
Şi-Lidia-a ta mamâ
Vor s-hii multu ghini
S-ai tihi tu banâ.
Imşeata Elena
Duruta sora ta
Ti va multu ghini
Şi-daima s-hii cu ea.
Ioana şi Elena
‘Mşeatâ vâ-i uidia
Daimá s-vâ vreț pârințâi
Şi s-l-avinaț tiñia.
Bunlu Paplu Iani
Hârsitu cum nu s-aspuni
Cu Íoana nipoata
S-mâreaşti tu lumi.
Şi-maia ta, Chirața
Țâ poartâ multâ vreari
Gioacâ şi s-hârseaşti,
‘Şi-vidzu nipoata mari.
Soț’i s-adunarâ
La Ioana ‘mşeata
Sâ-i oarâ ti ghini
Bunâ sâ-i hibâ ñiata.
Áradâ armâneascâ
S-gioacâ noaptea tutâ
Sâ-i hibâ majoratlu
Cu ağapi multâ.
Sorin Lupci – 14.04.2018