Featâ-armânâ ca fidanâ, dă-nji a njiia ocljiu-ts lai
Câ va ts-aducu afrandzâ dultsi sh-trandafilili dit Mai
A, lăi pui cu peana-albâ, ia-ts umutea di la ei
Câ la gionli-a meu livendu, tut mutrescu ocljii-a mei
Featâ-armânâ ca fidanâ, dă-nji a njiia boatsea ta
C-a ts-aduc cârunji di steali, sh-luna ma s-u vrei sh-pi ea
A lăi pui cu peana-arudâ, boatsea nu ts-u dau s-nj-u iai
Câ ti vrutlu-a meu livendu, di-anda-l shtiu io tut cântaiu
Featâ-armânâ ca dit isi, dă-nji a njiia lungu-ts peru
Malâmâ-a ts-aduc dit soari sh-tut sirinlu di pi tser
A lăi pui ca di asimi, perlu-a meu ahât di laiu
Mashi ti vrutlu-anghiliceashti sh-nu-as pots canâ oarâ s-lu-ai