Steaua noastã easti-aratsi
Limba-i cãmpu fãrã gãrnu …
Apa pritu arāu nu treatsi
Calu-alagã fãrã fãrnu …
Casili s-angubãrarã*,
Poarta-ncljisã-i la gãrdinã
Pluglu nu poati ta s-ara
Herlu-i lãndzitu di-arudzinã.
Kicutli nu suntu di-apã
Seamkili tutu li lja vimtulu
Agãrshearea groapã tsapã
Lunjina u-azgrumã astimtulu
Cartea albã – tutu dishcljisã
Zboarã ashteaptã – arãdhãpsiti …
Cãti ori, ditu laia kisã,
Nu iesu yisi ditu pirmithi?!
Limba cari-i Agãrsheari
Somnu-i cari-adutsi moarti …
Ea va shi-aflã yitripseari
Sh-isihii mashi tu carti!