S-amintă un anghilu, Tania i-u numa.
Vruț’i-a ei pârințâ i-adarâ pâtigiunea.
Deadi hâbari, Simona vluisita,
S-inâ paplu Hrista, sâ-i cântâ ursita.
Refren:
Tania, feată, tu-unâ dzuâ mari,
Ti fțeși cu tihi și-mari ihtibari.
Hii dit naima vrutâ soi’ armâneascâ,
Mâipsiti dzâni, a ția s-țâ urseascâ.
Dzâna ‘țea marea dzâsi,
– Ñicâ-armânâ,
Ca maia Tana, s-porțâ ‘mșeatâ numâ.
Și-ca paplu Teia, feată mâipsitâ,
Lucârli-ahândoasi s-li-aduț tu dipisitâ.
Dzâna dit mesi,
– Ti aestâ featâ,
Îi dau pișchesi, boațea naima ‘mșeatâ.
Ca paplu Iorghi, s-ai multâ ducheari,
Boațea s-țâ hibâ, chipuriciu di vreari.
Dzâna ‘ țea ñica,
– Țâ dau feată bunâ,
Hări ca Simona, naima vrutâ-armanâ.
S-țâñi calea ‘ndreaptâ, s-hii vrutâ tu banâ,
Pit trup țâ treați, sândâ di campioanâ.
Dzânili dit cântic, feată sâ știi ghini,
Tutâ bana-aestâ, va s-hibâ lângâ tini.
S-țâ veaghi torlu, s-tâ da agapi mari,
Bana s-țâ umplâ di ghineț și-di vreari.
Sorin Lupci – 9.02.2017