Stela fetâ cu tini’i
Di Pap’ Dimci va s-ascri’i
Tora candu s-fați ‘nveastâ
Di paplu s-pirmituseascâ
Ioti și Pepa-al Țițu cu vreari
Dit hoarâ di Hagilari
Amintarâ doi’ fciori’
Și lâ dzâsirâ, Dimci și-Coli
Dupu 7 ani, ți zori
Plandzi Dimci, plandzi Coli
Plangu fciori’i și suschirâ
Di manâ urfânipsirà
Di atumțea ani tricurâ
Tutâ bana fraț’i s-vrurâ
Dzâlili-avrapá fudzirâ
Vini-arada și-aușirâ
Anlu doauâni’i șapti
Paplu Dimci landzitu iasti
Tuși la Tulcea loarâ calea
Și-iatrul nu-i aflâ lângoarea
Și-avea el taifâ di proti
A lui Tanța, Pepa și-Ioti
Il mutrirâ s-hibâ ambaru
Tuț ni-v’gaț di la spital
Trei’ meși trapsi mâratlu
Cu itri’i di la iatru
Șapti marțu, la’i gramâ
Dimci și-chiru a lui banâ
Paplu Dimci și-avea hari
S-ducâ-n hoarâ Hagilari
Vrea nipoț’i sâ-i hârsească
Pi Stela s-u veadâ ‘nveastâ…
Dupu noauâ ani di dzâli
Și-chiru bana și-paplu Coli
Și di la fraț ahâtu armasi
Mindiuerli ahândoasi
Di a nostu bun Pap Dimci
Daima-a n-aduțem aminti
Câ nu deadi laia soartâ
Un nipot numa sâ-i poartâ
Stela nipoata lui, plâmtâ
Al Razvan Grosu-i dâmândâ
S-adarâ cântic di jali
S-armânâ ti ni-agârșeari
Sorin Lupci – 11.08.2015