Refren:
Nicoleta steauâ și Dani fcior-armân
S-lâ urăm mași ghini, câ azâ him de-adun
Aradâ mâipsitâ, cu so’i ti-anami,
S-nâ hârsim ti vrearea-al Nicoleta și-Dani.
Vinim cu mirachi, ti un fcior și-nâ featâ,
S-tiñisim cu vreari preachea nai’ ma ‘mșeatâ.
Ei nâ câlisirâ, vrearea ta și-aspunâ,
El îmșeat ca soari, ea ‘mșeatâ ca lunâ.
Nuñi cu mari-anami, nâ pitricu Hristolu,
Tu aestâ searâ, di s-ciudusi laolu.
Stere și-cu Elena, va s-hibâ ti daima
Lângâ ‘mșeata preachi, ta s-lâ veaghi bana.
Vali și-Nicu Bara, socrii mări cu hari
Mutrescu noaua preachi, cum nu-ari altâ-ahtari
Gioacâ cu harauâ, multu ei s-hârsescu
Au mari mirachi, cu fciorlu-a lor s-mârescu
Doina și-Gigi Zdoca, socrii ñiț ti-anami,
Și-arcarâ mirachea, pi vluisitlu Dani.
Ii deadirâ vreari, pârinteascâ, aleaptâ,
Și-pi a lor scumpâ featâ, Nicoleta-‘nveastâ.
Nico și-cu Cristina, ‘mșeati, nu s-aspuni
Surări nidispârțâti cându ies tu lumi
Ghini li prâxirâ, pârințâi, pânâ s-creascâ
S-aibâ livindeatâ și-tiñi’i armâneascâ.
Sorin Lupci – 26.12.2016