Ini primuveara,
Soarli-‘as iasâ iara,
Featili va-s gioacâ,
Ficiorii pi eali s-li-aleagâ.
Ei tut li mutrescu,
Eali si hârsescu,
‘Msheati ti ciudii,
Featili din Armânii.
Refren:
Nu mutrea gione la mini,
Câ hiu njicâ shi-nji-u arshini.
Shi-io mutrita tsâ-u hârsescu,
Ma un zboru nu pot s-tsâ grescu.
Ma fciorlu cu hari,
Câ-i di soi mari,
Soi cu anami,
Alâvdatâ tu-armânami.
Gioni-‘msheat ca soari,
Ca elu altu nu-ari,
‘Naltâ boi-msheatâ,
Easti armânu livend’ cu njiata.
Refren 2
Hai feată s-ishim la coru,
Dinintea pârintsâloru,
S-nâ tsânem doi di mânâ,
S-him ca soarli shi-a lui lunâ.
Feata arusheashti,
Fciorlu u mutreashti,
U-acatsâ di mânâ,
Va s-u-adarâ a lui dzânâ.
Doii s-uidisescu,
Di vreari-azburascu,
Un ficior sh-unâ featâ
Suntu preachea naima ‘msheatâ.