Nani, nu-ñi ti-aspari nani
Va-ñi țâ da dada curbani
Bair di flurii di guşi
Şi-un ghiurdan di lândâruşi
Şi-unâ padi di livadi
Sâ-ñi ti-agioț cu dada-n padi
Anghil domn, more anghil domn
Intrâ-n casâ şi-adu-i somn
Va-ñi ț-aducâ nuna lunâ
Şi-nunlu mari soari
Steali, unâ câti unâ
Sâ-ñi ț-adari ciupari
S-inâ maia s-batâ gaia
S-inâ paplu s-batâ-araplu
Şi-unâ prici licurici
Cari doarmi tu lilici
Sâ-ñi ti-acațâ somnu-n brațâ
Sâ-ñi ț-alasâ is pi fațâ
S-creşțâ mari, pui di vreari
Sâ-ñi iai mari livindeari