A multor tu-aestâ lumi
Tutu-anapuda lâ ini
Nu ştiu cum lâ iasti-arada
Nu-lu-acațâ lucrul ghini
R:
Ehehehe, ahahaha, ohohoho, ihihihi
S-dusi Coli, s-dusi oaspi
Pânâ oara ta sâ-şi inâ
S-dusi Coli, s-dusi oaspi
La muşeata lui viținâ
Ama ‘miarea vedz, în casâ,
Nu va s-imnâ tut adratâ
Aşi şi-Tana, nicukira,
Ni pârpodz nu-avea bâgatâ
Veadi Coli, câ nu-i orbu
De urğhia ți țâ-l pindzi
– Oh, ți-i albâ şi-ți-i muşeatâ
Di cicioari ma u ‘strindzi
– Di-aței eşțâ, dzâți ‘miarea
Altâ nu, ma mutâ zvana (bâta)
Unâ-n cap, nicukireascâ
S-țânâ minti cari-i Tana
Ah, ți doari, strigâ omlu
Curâ sândzâli izvoru
-Ma țâ-i bunâ, du-ti-acațâ
Şi-altâ-armânâ di cicioru