Un imșeat gioni armân
Di tuț soț’i naima bun,
Nâ sihati cu el s-șeadâ
Featili iși bagâ-aradâ…
Li minteaști ș-li acațâ
Cu arâslu di pi fațâ,
Nâ lilici lâ aduți,
Și-gionli-armân ași lâ dzâți:
R1:
Io iñi hiu gioni aslan,
Mi-asprigiuru pi tihea ți-am,
Câ la feata ți mi va,
Nu pot sâ-i dau bana mea.
Și-nu voi ca s-mi dânâsescu,
Cafi dzuâ s-arisescu
Feati ‘mșeati ți ñi-au hari
Unâ-i bana, altâ nu-ari…
Feate buni, tihea mea
Nu u dau a curiva
Ñii di añi cu mini s-ședz
Nu ț-agiungu ta s-bânedz.
Și-vâ dau feate, ti ciudi’i
Nâ bâșeari pi-aguñi’i…
Nu v-arcaț mirăchi’li buni,
Câ va mi câftaț pitu lumi…
R2:
Câ hiu gioni ca aslan,
Mi-asprigiuru pi tihea ți-am,
Câ la feata ți mi va,
Nu pot sâ-i dau bana mea.
Și-nu voi ca s-mi dânâsescu,
Cafi dzuâ s-arisescu
Feati ‘mșeati ți ñi-au hari
Unâ-i bana, altâ nu-ari…
SoLupci 10.02.2015