Șiñiam și-arcoari multâ, s-alâsă pi calea greauâ
Pi țeru curâ niori’i și-nu s-veadi canâ steauâ
Tini ti vedz câlari pi at ți arujeaști
Un gioni-armân, livendu ți-analtu ma mutreaști
Ditu greauâ xeanâ și-ini, ditu polimu multu-arău
Pi calea di stri-hoarâ lu-adusi Dumnidză
Cu bairu di fâșechi di bârnu aspindzuratu
Tu mânâ malihera și-tu fațâ-anvirinatu…
Câ mulțâ gioñi dit hoarâ, fudzimu s-nâ-ampulisimu
Și nu n-aspâremu di xeanâ, ni câ putem s-murim
Mi tornu iara singuru, fâr’ soț’i-a mei duruț
Și-nu pot s-lâ dzâcu in hoarâ, câ-aclo câdzurâ tuț…