Haide, dzuuâ bunâ, ti anami
S-fatsi mari numtâ tu-armânami
Haide, msheatâ-aradâ armâneascâ
Cu Vali yrambo sh-Luiza-nveastâ
Haide, Alexandru, nunlu mari
Haide, gioni-armân cu mari hari
Haide, cu vreari bâgă câruna
Cu-a lui Alexandra, nuna-armâna
Haide, shi-ansoarâ fciorlu cu vreari
Haide, Gigi Ianca, socrul mari
Haide shi-i oarâ mari ayapi
Haide, s-aibâ bunâ taxirati
Haide, socrii njits Sotir sh-Rodica
Îshi mâritâ feata hâidipsita
Haide, vdzirâ ditu Amerikii
Haide, s-facâ numta tu-Armânii
Haide, tradzi caplu cu harauâ
Haide, sora ali ‘nveasta noauâ
Haide gioacâ-n cor msheata Marisa
Haide, lângâ sora-a ei, Luiza
Haide, oarâ Itză njiclu frati
Haide s-aibâ vreari sh-sânâtati
Haide, preakea s-lâ ankirdiseascâ
Haide, oarâ Anca a lui ‘nveastâ