Di-ahanti mãri surãri cari nj-avuiu
Surãri latini, tsi s-mutarã-ndzeanã,
Tu munts sh-tu vãlji di eti mi kiruiu
Cã mi-agãrshirã cã nj-armashu tu banã!
Mashi io nj-u stiu alathusea, cabatea,
Ca tse ta s-crescu nu nj-avuiu andreptu!
Ma, doauã njilji di anji, latinitatea
U-purtaiu – lilici-aleaptã – pi-a meu keptu!
lo, nai ma njica limbã latineasca,
Tseara niasteasa,-ardeamu tu cathi hoara,
Ma boatsea mea s-avdzã, put ta s-greascã:
“Torna, torna, fratre!” – proti zboarã!
Surarili-a meali, adzã-avdzãti shi mãri,
Nu caftu ninga voi s-mi-arãdhãpsescu!
Avets mashi stranji hrisusiti sh-hãri.
lo, veciji stranji nica ãnj li-nvescu!
Sh-di-aoa shi-nclo io nica va-nj li portu
C-ashi nj-u scrisa tu-a mea greauã soarti:
Ti-a mea dunjeauã eta tutã s-hiu:
Cameashea a ljei di numtã, ma sh-di moarti !