Di daima alargu di tini
La bãrnu ti port’ ca apala ….
Sh-maia nu poati ta s-moarã,
U-ngreacã mashi doru di Kavala
Makidunie, lunjinã di steauã,
Papanjilji sh-cu paplu-a meu Mina
Di ets ti cãntarã sh-murirã
Ti “Fciorilji di Samarina”.
Njiurizma ta nu mi-alasa
Sã-nj dormu tu noptsã cu lunã,
Cãravi hii cari mi treatsi
Pritu yisi s-agiungu Sãruna
Tu tini adiljie di daima
Trã mini nai’ msheata ciudie!
La tini tutu yinu ta sã-nj dormu
La sinlu di Makidunie!
Tini hii partea di mini lu
Minduiarea lucreadzã
Tu ocljii-a tãi ca lunjini
Papãnjilji nica bãneadzã!