Nu ti-aspari cã nu-shi easti
Cãnticu di birbiljiu sumu lunã!
Pisti nopts, vrute,-a s-avdzã
Mashi ghiurdanea mea tsi-asunã!
Tsi-avazã, vrute, nu i ghioclu
‘Tselu albu tsi-nj pitricushi …
Pisti noptsã pondi-asunã
Cãnticlu di-a mei minghiushi!
Minduind s-tsã dau lunjinã
Ca luna sh-ca stealili
Trashi tru tserlu-atselu analtu
Vrute,-nj ts-arcaiu nealili!
Pisti-ahãnti cãljuri mãri
Tsi tu suflitu li-adunaiu
Ta sã-nj avdzã dorlu, vrute,
Biligitsli-nj ts-asunaiu!
Perlu-a meu ahät di lungu
Cãtu calea di mesi di noi
Vrute,-apunti va tsa-lu tindu
S-nu keri calea, s-yinji nãpoi …
Amu cãrunã di lunjinã
Tutu tsi port pi mini cãntã!
Tini pots ta s-anyiedz
Bana mea tsi tora-i frãmtã!