Gione, ocljii-ts ca di-amurã,
Nu vedz? Anjiljii-alagã sh-curã !
A’-s-nidzemu niheamã-n hoarã
A papãnjiloru doru s-nã doarã !
Gione, oclji-ts ca di-amurã,
Zboaräli-nj,-s lilici-n gurã
Mãna ta-ashteptu s-li-adunã
Zboarã-tufi, pirpirunã …
Gione, ocljii-ts ca di-amurã,
Carvanjili di mult tricurã ! …
Sh-cãljurili-s tuti dishcljisi
Agãrshea vecljili yisi !
Gione, ocljii-ts ca di-amura,
Picurari, cupii s-kirurã
Yinu s-n-aflãmu doiljii uidia
Anjiljii-nj s-tsã hibã cupia !
Gione, ocljii-ts ca di-amurã,
Papanjiljii cãndu tricurã
Nu tsã dzãsirã a tsãia
Cã mini-ts escu hãryia?